આગામી તા.૨૦ અને ૨૧મીએ ગાંધી એન્જિનિયરિંગ કોલેજમાં નેશનલ લેવલ ટેકનિકલ ફેસ્ટ ‘ટેક વર્ધનમ ૨૦૨૩’ યોજાશે
બે દિવસીય ફેસ્ટમાં યોજાનાર ૧૩ ઈવેન્ટમાં દેશભરની ૧૭ એન્જિનિયરિંગ કોલેજોના ૧૪૫૮ વિદ્યાર્થીઓ ભાગ લેશે
સુરતના મજુરાગેટ સ્થિત ગાંધી પોલિટેકનીક એન્જિનિયરિંગ કોલેજમાં વિદ્યાર્થીઓની ટેકનિકલ સ્કિલ્સ અને ટેલેન્ટને પ્રદર્શિત કરવાની તક આપવાના હેતુસર આગામી તા.૨૦ અને ૨૧ ઓકટોબરના રોજ નેશનલ લેવલનો ટેકનિકલ ફેસ્ટીવલ ‘ટેક વર્ધનમ ૨૦૨૩’નું આયોજન કરાશે. જેમાં ઈનોવેટિવ પ્રોજેકટસ્, મોડલ્સ, પોસ્ટર પ્રેઝન્ટેશન, મેટા ક્રાફ્ટ, ટેકનિકલ સેમિનાર, ડિટેક્ટિવ ટેક ક્વેસ્ટ, રેપિડ રીમ રેલી, સર્કિટ ડિબગિંગ, લોડ બેરિંગ બેટલ, રોબોરશ, ટેક થિંકર હેક ફેસ્ટ, કેડ વોર, માઇન્ડ માસ્ટર ક્વિઝ જેવી વિવિધ ૧૩ ઈવેન્ટ યોજાશે.
‘ટેક વર્ધનમ’ ટેક ફેસ્ટમાં ગુજરાતના સુરત, વલસાડ, ભરૂચ, કીમ, કોસંબા અને ગાંધીનગરની એન્જિનિયરિંગ કોલેજની સાથે જ દેશભરમાંથી મુંબઈ, દિલ્હી, યુ.પી અને મધ્યપ્રદેશ મળી ૧૭ કોલેજોના ૧૪૫૮ પ્રતિભાશાળી વિદ્યાર્થીઓ ભાગ લેશે. જેમાં યુ.એસ.(અમેરિકા)ના વિદેશી વિદ્યાર્થીનો પણ સમાવેશ થાય છે. બે દિવસીય ટેક ફેસ્ટમાં ટેકનિકલની સાથે નોન ટેકનિકલ તથા ફન ગેમ્સ પણ યોજાશે. આ ઈવેન્ટમાં પ્રથમ ત્રણ વિજેતા વિદ્યાર્થીઓને ટ્રોફી અને પ્રમાણપત્ર એનાયત કરા રવાશે.
