તા.૬ અને તા.૭મી ડિસેમ્બરે તમામ તાલુકાઓમાં રવિ કૃષિ મહોત્સવ યોજાશે.
મંત્રી, ધારાસભ્યોના હસ્તે રવિ કૃષિ મહોત્સવ ખુલ્લો મુકાશેઃ
ખેડુતોએ મોટી સંખ્યામાં લાભ લેવા અનુરોધઃ
રાજયના ખેડુતોને રવિ સિઝનમાં રવિ પાકો વિષયે આધુનિક કૃષિ તાંત્રિકતા અંગે માર્ગદર્શન તેમજ ખેડુતલક્ષી વિવિધ યોજનાઓ અંગે માહિતગાર થાય તેવા હેતુ સાથે આગામી તા.૬/૧૨/૨૦૨૪ થી તા.૭/૧૨/૨૦૨૪ દરમિયાન સવારે ૯.૦૦ થી સાંજના ૫.૦૦ વાગ્યા સુધી બે દિવસીય રવિ કૃષિ મહોત્સવ-૨૦૨૪ અને સેવા સેતુ કાર્યક્રમ તમામ તાલુકાઓમાં યોજાશે. ઓલપાડ તાલુકામાં ઓલપાડ જીન ખાતે, કામરેજ તાલુકાના સેવણી રામજી મંદિર ખાતે, ચોર્યાસીના દામકા ગામના સાંઈ મંદિર ખાતે, માંગરોળના વાંકલ સાંઈ મંદિર, બારડોલીના ખેડુત તાલીમ કેન્દ્ર તેન રોડ ખાતે, પલસાણા તાલુકાના બગુંમરાના માં રેવા સાંસ્કૃતિક ભવન, મહુવાના અસ્મિતા ભવન, બ્રાહ્મણ સમાજની વાડી, ઉમરપાડાના ચિતલદા ખાતે, માંડવી નગરપાલિકા ગ્રાઉન્ડ ખાતે રવિ કૃષિ મહોત્સવ મંત્રીઓ, ધારાસભ્યો, જિલ્લા-તાલુકા પંચાયતના પ્રમુખ-સભ્યોની ઉપસ્થિતિમાં યોજાશે. આ મહોત્સવમાં પ્રથમ દિવસે કૃષિ પરિસંવાદ અને કૃષિ પ્રદર્શન યોજાશે. ખેડતોને પ્રાકૃતિક કૃષિના એક મોડેલ ફાર્મની મુલાકાતનું આયોજન કરવામાં આવશે. જેનો બહોળી સંખ્યામાં ખેડુતોએ લાભ લેવા સુરત જિલ્લા ખેતીવાડી અધિકારી દ્વારા જણાવાયું છે.
