સિનિયર સિટીઝન્સ માટે વોલિબોલ, યોગાસન, ચેસ, કેરમ, રસ્સાખેંચ તથા એથ્લેટીક્સ સ્પર્ધાઓ યોજાશે
ભાગ લેવા ઈચ્છતા સિનિયર સિટીઝન્સ તા.૧૮ જાન્યુ. સુધીમાં અરજી કરી શકશે
દર વર્ષની જેમ આ વર્ષે પણ સુરત શહેર તથા ગ્રામ્યમાં ૬૦ વર્ષ થી વધુ વયના સિનિયર સિટીઝન્સ માટે વોલિબોલ, યોગાસન, ચેસ, કેરમ, રસ્સાખેંચ તથા એથ્લેટીક્સ સ્પર્ધાઓ યોજાનાર છે, જેમાં ભાગ લેવા ઇચ્છતા સિનિયર સિટીઝન્સ ભાઇઓ/બહેનોએ નિયત નમુનાનું પ્રવેશપત્ર જિલ્લા રમતગમત અધિકારીની કચેરી, જિલ્લા રમત પ્રશિક્ષણ કેન્દ્ર-સુરત, પહેલો માળ, સુડાભવન, વેસુ, આભવા રોડ ખાતેથી મેળવી તા.૧૮ જાન્યુ. સુધીમા સંપુર્ણ વિગત સાથે મોકલી આપવાનુ રહેશે. સમય મર્યાદામા આવેલ પ્રવેશપત્રોના સ્પર્ધકોને વિગતવાર કાર્યક્રમ અંગેની જાણ કરવામા આવશે. વધુ માહિતી માટે સંપર્ક નં. ૯૯૭૪૧૩૨૮૯૭ ઉપરથી મળશે એમ જિલ્લા રમતગમત અધિકારીની યાદીમાં જણાવાયુ છે.
