મહુવા-અંબિકા તાલુકા પંચાયતની ૧૬-૧૬ બેઠકો જાહેર, અનામતનો વિભાજન જાહેર
મહુવા : સુરત જિલ્લાના મહુવા તથા અંબિકા તાલુકા પંચાયતની આવનારી સામાન્ય ચૂંટણીને ધ્યાનમાં રાખીને બંને તાલુકાની ૧૬-૧૬ બેઠકો જાહેર કરવામાં આવી છે. જિલ્લા પંચાયત તંત્ર દ્વારા અનામત બેઠકોની યાદી પણ પ્રસિદ્ધ કરવામાં આવી છે.
મહુવા તાલુકા પંચાયત હેઠળ વિવિધ વિસ્તાર મુજબ બેઠકો ફાળવવામાં આવી છે. જેમાં અનુસૂચિત જાતિ, અનુસૂચિત જનજાતિ તથા સામાજિક અને શૈક્ષણિક રીતે પછાત વર્ગ (SEBC) માટે અનામત રાખવામાં આવેલી બેઠકોનો સમાવેશ થાય છે. કેટલાક વિસ્તારોમાં મહિલા અનામત પણ જાહેર કરાઈ છે.
તે જ રીતે અંબિકા તાલુકા પંચાયતની ૧૬ બેઠકો માટે પણ અનામત જાહેર કરવામાં આવી છે. તાલુકાના વિવિધ ગામોને આવરી લેતી બેઠકોમાં અનુસૂચિત જાતિ, અનુસૂચિત જનજાતિ અને SEBC વર્ગ માટે અનામત ફાળવણી કરાઈ છે.
ચૂંટણી આયોગ દ્વારા જાહેર કરાયેલી આ યાદી બાદ રાજકીય પક્ષો અને સંભવિત ઉમેદવારોમાં ચહલપહલ તેજ બની છે. અનામતની રચના સ્પષ્ટ થતાં હવે ઉમેદવારી પ્રક્રિયા અને રાજકીય સમીકરણોને ગતિ મળશે.
બંને તાલુકામાં ચૂંટણીને લઈને તંત્ર દ્વારા જરૂરી તૈયારીઓ શરૂ કરી દેવામાં આવી છે. આગામી દિવસોમાં ઉમેદવારી ફોર્મ ભરવાની પ્રક્રિયા જાહેર થવાની શક્યતા છે.
