વિકસિત ભારત સંકલ્પ યાત્રાના રથનું ભવ્ય સ્વાગત કરતા મહુવા તાલુકાના ધામખડી ગામના ગ્રામવાસીઓ
કેન્દ્ર અને રાજ્ય સરકારની ફ્લેગશીપ યોજનાઓના લાભો ગામે ગામ સુધી પહોંચે તેવા આશયથી સુરતના મહુવા તાલુકાના ધામખડી ગામે વિકસિત ભારત સંકલ્પ યાત્રાનો રથ આવી પહોંચ્યો હતો. જ્યાં ગ્રામજનો દ્વારા સંકલ્પ યાત્રાના રથનું ભવ્ય સ્વાગત કરાઇ વિકસિત ભારતની સામૂહિક પ્રતિજ્ઞા લીધી હતી.
આ અવસરે ગ્રામજનોને વિકસિત ભારત સંકલ્પ યાત્રા અને તેમા મળતા યોજનાકીય લાભોની માહિતી પૂરી પાડી હતી. ટામેજ મહાનુભવોના હસ્તે સરકારશ્રીની વિવિધ કલ્યાણકારી યોજનાઓના લાભોનું વિતરણ કરવામાં આવ્યું હતું. સાથે પોષણ અભિયાન, પી.એમ.જે.વાય, સખી મંડળ, ખેતીવાડી વિભાગ, આરોગ્ય વિભાગના , આઈ.સી.ડી.એસ વિભાગના લાભાર્થીઓએ પોતાના અનુભવો જણાવ્યા હતા.
આ પ્રસંગે તા.વિ. અધિકારી પી.સી.માહલા, સરપંચ બાબુભાઈ, મેડિકલ ઓફિસર ડૉ.ઝિંકલબેન ચૌધરી, અધિક મદદનીશ ઇજનેર સોનલબહેન, પ્રાથમિક શાળા શિક્ષક મુકેશભાઈ, ગ્રામસેવકો સહિત ગ્રામજનો અને લાભાર્થીઓ હાજર રહ્યા હતા.
