‘યુથ એસેમ્બલી કાર્યક્રમ ૨૦૨૫-૨૬’માં ભાગ લેવા ઈચ્છુકોએ તા.૨૮ ફેબ્રુઆરી સુધીમાં ફોર્મ જમા કરાવવું
૧૫ થી ૨૯ વર્ષના યુવાઓને લોકશાહી શાસન પદ્ધતિ, મતદાન અને ચૂંટણી વ્યવસ્થાથી માહિતગાર કરાશે
સુરત જિલ્લા યુવા અને સાંસ્કૃતિક પ્રવૃત્તિઓની કચેરી દ્વારા ૧૫ થી ૨૯ વર્ષના યુવક-યુવતીઓ માટે યુથ એસેમ્બલી કાર્યક્રમ-૨૦૨૫-૨૬ યોજાશે.
રાજ્યના યુવક-યુવતીઓને લોકશાહી શાસન વ્યવસ્થાનું અને મતદાનનું મહત્વ સમજાવવા તેમજ ચૂંટણી વ્યવસ્થા વિષે માહિગાર કરવાના હેતુસર રાજ્યના ૧૮૨ વિધાનસભા મત વિસ્તારમાં ‘યુથ એસેમ્બલી કાર્યક્રમ-૨૦૨૫-૨૬’ યોજાશે. પ્રથમ તબક્કામાં સુરત જિલ્લાની બેઠક દીઠ ચાર વિધાનસભામાં સ્પર્ધામાં યોજાશે. જેમાંથી વિજેતા થનાર ત્રણ સ્પર્ધકો જિલ્લાકક્ષાએ અને તેમાં પ્રથમ ક્રમ મેળવનાર સ્પર્ધક રાજ્યકક્ષાએ યોજાનાર સ્પર્ધામાં ભાગ લેશે.
આ સ્પર્ધામાં ભાગ લેવા ઈચ્છુક વિધાર્થી/ઉમેદવારો/યુવાનોએ જિલ્લા યુવા અને સાંસ્કૃતિક પ્રવૃત્તિઓની કચેરી, પ્રથમ માળ, જુના સિવિલ કોર્ટ બિલ્ડીંગ, બહુમાળી કેમ્પસ, નાનપુરા, સુરતથી નિયત નમૂનાનુ ફોર્મ મેળવી તા.૨૮/૦૨/૨૦૨૬ સુધીમાં જમા કરાવવાનું રહેશે તેવું જિલ્લા યુવા વિકાસ અધિકારીશ્રીની યાદીમાં જણાવવામાં આવ્યું છે.
