તાપ્તિ વેલી હાઇ પર્ફોર્મન્સ ટેબલ ટેનિસ સેન્ટર-સુરતનાં બે સ્પર્ધકો આંતરરાષ્ટ્રીય સ્તરે ચમક્યા
તા.૧૯ અને ૨૦ જુલાઈ દરમિયાન થાઈલેન્ડ બેંગકોકમાં યોજાનારી ૧ સ્ટિગા એશિયન ટેબલ ટેનિસ ક્લબ ચેમ્પિયનશિપ ચેલેન્જમાં ભાગ લેનારી ભારતીય ટેબલ ટેનિસ ટીમમાં (SAG)-તાપ્તિ વેલી હાઇ પર્ફોર્મન્સ ટેબલ ટેનિસ સેન્ટર-સુરતના બે ખેલાડીઓએ સ્થાન મેળવ્યું છે. મૂળ વડોદરાના ૨૦ વર્ષીય પ્રથમ મદલાની તથા મૂળ અરવલ્લીના ૧૭ વર્ષીય જન્મેયજય પટેલ છેલ્લા બે વર્ષથી સુરતમાં સ્પોર્ટ્સ ઓથોરિટી ઓફ ગુજરાત (SAG)-તાપ્તિ વેલી હાઇ પર્ફોર્મન્સ ટેબલ ટેનિસ સેન્ટર, તાપ્તિ વેલી ઇન્ટરનેશનલ સ્કૂલ ખાતે કોચ અંકુર જોષી, મહાવીરસિંહ કુંપાવત, અંકિતા શ્રીવાસ્તવ તથા ફીઝીયો નિરવ ખાનપરાના માર્ગદર્શન હેઠળ તાલીમ લઈ રહ્યા છે.
